Nəsimi RPİ 22-ci PŞ əməkdaşların keçirdikləri əməliyyat tədbiri nəticəsində rayon ərazisindəki mağazaların birindən 3500 manat dəyərində mobil telefon oğurlamaqda şübhəli bilinən Bakı şəhər sakini, əvvəllər məhkum olunmuş F.Süleymanov saxlanılmışdır. 

Binəqədi RPİ 7-ci Polis Bölməsinə müraciət edən Cəlilabad rayon sakini R.Abbasov noyabrın 7-nə keçən gecə M.Ə.Rəsulzadə qəsəbəsi ərazisindəki avtomobillərin təmiri sexlərinin birində ona məxsus “TOFAŞ” markalı avtomobildən 600 manat dəyərində hissələrinin sökülərək oğurlanmasını bildirmişdir.

Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini O.Qayıbxanov saxlanılmışdır.