KRİMİNAL XRONİKA
Əsas səhifəSəbail RPİ-nin 8-ci Polis Bölməsinə müraciət edən ...
18.09.2020
Səbail RPİ-nin 8-ci Polis Bölməsinə müraciət edən R.Quliyev sentyabrın 17-də rayon ərazisindən “Renault” markalı avtomobilinin qaçırıldığını bildirmişdir.
Keçirilmiş əməliyyat-axtarış tədbirləri nəticəsində avtomobil qısa müddətdə müəyyən edilərək polis əməkdaşları tərəfindən saxlanılmış və nəqliyyat vasitəsinin R.Quliyevin oğlu tərəfindən idarə edilməsi məlum olmuşdur.
Araşdırma aparılır.
Bakı ŞBPİ-nin Cinayət Axtarışı İdarəsi əməkdaşlarının daxil olmuş məlumat əsasında keçirdikləri əməliyyat tədbirləri ilə narkotiklərin qanunsuz dövriyyəsində şübhəli bilinən əvvəllər məhkum olunmuşlar - Bakı şəhər sakini Ə.Abdullayev və Cəlilabad rayon sakini H.Qurbanov saxlanılmışlar.
Şəxsi axtarış zamanı H.Qurbanovdan 770 qram tiryək və 713 ədəd metadon həbi aşkar edilərək götürülmüşdür.
Xəzər RPİ 3-cü PB əməkdaşlarının keçirdikləri əməliyyat-axtarış tədbirləri nəticəsində cari il martın 30-dan iyunun 16-dək olan müddətdə rayon ərazisindəki 1 yardımçı təsərrüfatdan 15 ev quşu, 1 mağazadan isə 100 manat dəyərində tütün məmulatı oğurlamaqda şübhəli bilinən Bakı şəhər sakini, əvvəllər məhkum olunmuş A.İsmayılov saxlanılmışdır.
Binəqədi RPİ 6-cı PB əməkdaşlarının keçirdikləri əməliyyat-axtarış tədbirləri nəticəsində avqustun 21-də rayon ərazisindəki evlərin birindən 1000 manat pul və mobil telefon oğurlamaqda şübhəli bilinən Qazax rayon sakini, əvvəllər məhkum olunmuş O.Ağayev saxlanılmışdır.
Ətrafında aparılmış tədbirlərlə onun daha 2 evdən pul və qızıl-zinət əşyaları oğurlaması da müəyyən edilmişdir.
Sabunçu RPİ 14-cü PB əməkdaşlarının keçirdikləri əməliyyat-axtarış tədbirləri nəticəsində sentyabrın 6-da rayon ərazisindəki evlərin birindən 180 manat pul və 900 manat dəyərində qızıl-zinət əşyaları oğurlamaqda şübhəli bilinən İsmayıllı rayon sakini E.Əliyev saxlanılmışdır.
Oğurluq etdiyinə görə tutulmuş A.Nemətovun ətrafında Yasamal RPİ 26-cı PB-nin əməkdaşları tərəfindən aparılmış əməliyyat tədbirləri ilə onun rayon ərazisində 2 nəfərin çantalarından pul və sənəd, 2 avtomobildən mobil telefon, məişət əşyası, səsboğucu, 1 nəfərin 410 manat dəyərində velosipedini, 1 evin isə divarına quraşdırılmış kondisionerin mühərrikini və mis borusunu oğurlaması da müəyyən edilmişdir.
Ərazİ polİs orqanları
Axtarışda olanlar
lİnklər
-
Daxili İşlər Nazirliyi
www.mia.gov.az -
Baş Dövlət Yol Polisi İdarəsi
www.dyp.gov.az -
Daxili Qoşunların Baş İdarəsi
www.dq.mia.gov.az -
İnsan Alverinə qarşı Mübarizə Baş İdarəsi
www.insanalveri.gov.az -
Baş Pasport, Qeydiyyat və Miqrasiya idarəsi
www.bpqmi.gov.az -
Polis Akademiyası
www.pa.edu.az -
A.N.Heydərov adına Respublika Hospitalı
www.hospital.mia.gov.az -
XƏZRİ istirahət və sağlamlıq mərkəzi
www.khazri.mia.gov.az -
Şəxsi Heyətlə İş İdarəsi
www.shexsiheyet.mia.gov.az -
Polis qəzeti
www.pq.mia.gov.az/